Novità a Trieste! Riscoprire il dialetto con una "caccia al tesoro" sul bus! BOOM SOCIAL!

Nicole Vascotto lancia sui social una curiosa iniziativa, soprattutto rivolta ai più piccoli che, da triestini nati, possono provare curiosità per imparare sempre cose nuove.

Di seguito riportato il post pubblicato su Facebook sulla pagina di Nicole, '

Laila scopre'. "Questo post non sarà comprensibile a tutti, ma per forza di cose devo scriverlo in dialetto. Son nata e cressuda a Trieste, go sempre parlà in triestin, tanto che son rivada in prima elementare che parlavo solo quel. Tanti a sto punto storzerà el naso, ma cossa semo mati a no impararghe l’italian ai fioi in casa? Ve dirò, mi son contenta. El triestin xe la mia lingua del cuor, go vissudo 5 anni a Milano e a casa con mio marì gavemo continuà a parlar in triestin, iera el nostro porto sicuro e el nostro legame con casa. Laila xe nata là e anche con ela gavemo continuà a parlar con el cuor, xe stada una roba naturale, nissuna decision o imposizion. L’anno scorso gavemo deciso de tornar a viver a Trieste, iero contenta che finalmente la podeva dir “bunigolo” e vegnir capida dai altri fioi. Ma cossa go scoperto? Che nela mia zità, dove dapertuto se parla in triestin, anche in Comun e in Posta, ai fioi ghe se parla in lingua. E anche ai cani per qualche motivo. E alora savè cossa go pensà? Che mi un poca de curiosità a sti fioi voio meterghela. Queste 10 piere, con 10 parole triestine, le sconderò in sti giorni in giro per Trieste. E ai 10 fioi che le troverà ghe farò un bel regaleto! Seguì el post per esser aggiornadi su dove le sconderò (Magari non c’è bisogno di precisarlo, ma i sassi sono stati trattati in modo da non disperdere nessuna sostanza nell’ambiente)"