10 anni fa le robe iera un po’ diverse. 10 anni fa go inizià la mia avventura speciale come “Maxino”.
Iera un soprannome che i me gaveva dado anche prima, ma mi credo che la mia carriera video-musicale alternativa con questo nome sia iniziada nel 2010.
Me ricordo che go pubblicado un doppiaggio-parodia de “Per tutte le volte” de Valerio Scanu.
La go messa per viz su youtube e in pochissimo go visto centinaia, migliaia de visualizzazioni. Vardavo el schermo sbigottido, e me chiedevo come mai. 10 ani fa iera tutto diverso anche dal punto de vista multimediale, youtube iera za una realtà affermada, ma non esisteva influencer, se podeva ancora balzar ai primi posti delle classifiche italiane.
In 10 anni devo dir de aver fatto poche autocelebrazioni, a parte condivider la gioia de qualche successo, no go mai messo troppi numeri in giro, anche perchè i val quel che i val.
Però un poco anche per ricordar al me stesso dell’epoca, che 10 anni fa se affacciava a questo mondo timidamente, che le robe pol cambiar, che le robe pol prender strade diverse, nuove, imprevedibili.
Perchè me ritrovavo spesso a risponder a frasi tipo “Ciò, ma te ga tempo de perder ah? a far ste robe…”, oppur “no te passa niente ciò…” non savendo ben cossa dir.
Pensavo dentro de mi: “Xe gente che passa le giornade vardando tv, altri che fa sport, altri che se imbriaga… mi fazo video, perchè stago ben, me diverto e me piasi saver che qualcun ga sorriso vardando qualcossa che go fatto”. Questo pensier me ga accompagnà dal primo giorno, e xe el stesso pensiero che go oggi e che metto in ogni puntata che femo de Macete.
Quel che assolutamente non pensavo, 10 anni fa, iera de poderme guardar indrio ad un certo punto e veder quante persone me segui, quanti ga passado dei minuti divertenti grazie a qualche frase che go scritto, quanti magari se ga commosso su canzoni serie, quante persone incredibili go incontrà in tutto sto tempo. Amici e professionisti pazzeschi, musicisti, attori, cantanti, artisti de ogni genere.
Gavemo fatto dei palchi giganti con un mar de persone davanti, venude apposta per noi, e anche dei posti in cui iera 2 tavoli e gavemo cercà comunque de farli divertir. Gavemo fatto spettacoli teatrali, tantissimi. Alcune volte sperando che vegni gente, altre volte assistendo alle baruffe perchè i posti iera finidi
Go fatto delle robe che credevo bellissime e che no se ga cagà nissun e viceversa, delle robe che go messo in giro tanto per… e xe diventade parte della mia storia.
Go fatto un pochi de conti in sti giorni, avendo le serate libere.
Go scoperto che da 10 anni in qua, sommando a spanne i video de facebook e youtube, go superà le 25 milioni de visualizzazioni. Me ga veramente ma veramente stupì. E chi le contava più?
Fossi sta circa 28, perchè per “L’italia va in waka” ghe xe stadi un bel po’ de furti, gente che se la ga ricarigada, ma go approssimà per difetto perchè de alcune no xe più traccia, purtroppo o per fortuna.
Questi 25 milioni xe spalmadi qua:
YT Maxino - 9.915.000
YT Maxino 2 - 1.800.000
FB Maxino - 2.700.000
FB Macete - 6.500.000
Macete YT Tele4 - 800.000 circa
Video in altri canali - 500.000 circa (Deejay, Radio Rai, Sky, Vimeo)
Waka waka rubata - 5.639.304
E go fatto anche un paio de conti dei miei video più visti, e xe questi qua sotto (metto solo quei oltre le 100.000 visualizzazioni)
Italia va in waka - 4.756.500
Tu si que vales - FB: 1.200.000
Ailo - 1.019.000 (425.000 FB + 549.000 YT)
Discorso Putin (FB) - 920.000 (790.000 Maxino - 120.000generazione cr et + YT 10.000c)
Mary Poppich - yt 146.000 - fb 688.000 - 834.000
Un orrore così grande - 785.000
Meio el frico - 265.000 FB + 200.000 YT (rimosso) = 465.000
L'esercito dei sempi - 320.000 FB + 78.000YT = 361.000
Te voio sofigar - 232.000 (147.000 FB, 132.000 YT)
Che zimon - 204.000 yt + 16000 vm = 220.000
STARanzanWARS FB - 218.000
Bunga bunga - 217.000
Fiumi di madonne - 203.000
Barcolana - 173.000 FB - 20.000 YT = 193.000
Trieste mia around the world - yt 27.000 fb 166.000 - 193.000
Mollo una nera - 190.000
Non dirghe mai - 183.000
Presidenti del consiglio degli ultimi 20 anni = 174.000 FB
Muja mega song 2012 (somma 7 videoclip) 159.000
Capo in B - 152.000
Amore in caponera - yt 71.000 fb 60.000 - 141.000
Mondiali "2018" 100.000 FB + 36.000 YT = 136.000
La solita Udine - FB: 69.000 - YT: 63.000 - 132.000
Vergognite - 124.000+6000 = 130.000
L'Odikkea - 40.000 yt 42.000 fb + 50.000 (T.Brezzoni FB) - 128.000
Mola col petess FB - 68.000 YT 60.000 = 128.000
William e Kate, eh già - 88.496 + 31.253 = 119.751
La zumbada - 115.000
E rutto un attimo - 113.000
Parlare con te (logorroica) - 110.000
Sanremo 2012 - 102.208 (poi rimossa)
Mi son nato in un posto - 46.000 FB 51.000 YT = 97.000 quasi dai, manca poco :)
Ma non solo Youtube e Facebook, quei xe stadi la partenza, el trampolin. Dopo xe rivado el resto, la vita vera. Me xe capitado de lavorar in Radio Rai, per 4 anni, nella trasmission “I bombi inconsapevoli”, più de 100 puntate.
Per Radio Deejay, oltre ad aver fatto 3 sigle, dal 2014 son nella rubrica “La canzone espressa”, per cui go fatto circa una sessantina de brani.
Per Sky, con le oltre 160 sigle ad hoc de “Kitchen Sound” con Alessandro Borghese e le varie sigle per Massari etc.
Per Tele4 - Per cui fino ad ora gavemo prodotto più de 200 puntate de Macete e per cui gavemo avudo anche l’onor de far delle dirette (tipo quella per la Barcolana) con oltre 50.000 spettatori in tv.
E soprattutto me xe capità de scriver canzoni per concorsi. Dal festival della canzone triestina al festival dell’istroveneto etc. e devo dir che xe andà ben. Qualche volta canzoni tutte mie, qualche volta in collaborazion, ma praticamente sempre go mandà avanti altri a cantarle, mi me ga sempre piasso star un poco drio le quinte. L’avventura “concorsi” xe iniziada nel 2011…
1° Posto festival della canzone triestina 2011 - Autore (Cuor de mama)
2° Posto festival regionale 2011 - Autore (Cuor de mama)
1° Posto festival della canzone triestina 2012 - Autore (Sarà cussì)
3° Posto festival della canzone triestina 2013 - Autore (Bona fortuna)
1° Posto Artisti in Vetrina 9, 2013- Autore (i miei giorni con te)
2° Posto festival della canzone triestina 2014 - Autore (Un giorno senza tempo)
2° Posto Artisti in Vetrina 10, 2014 - Autore (Chissà come sarai)
2° Posto e premio della critica - 2014 - Festival regionale di Grado - Autore (Un giorno senza tempo)
2° Posto Festival dell'Istroveneto, 2015 - Autore (Me porto con mi)
1° Posto Campanella got talent, 2015 - Autore (Chissà come sarai)
1° Posto Festival della canzone Mujesana, 2015 - Autore (Un treno per dove)
1° Posto Festival della Canzone Regionale, 2015 - Autore (Un treno per dove)
1º Posto Canzone dialettale del Triveneto, 2015 - Autore (Un treno per dove)
3° Posto Artisti in vetrina 11 - Autore (Un momento)
2° Posto Festival della canzone triestina 2015 - Autore (Nela prossima vita)
1° Posto Talent In Canto (Frosinone) - Autore (Un momento)
Premio d'Autore Città d'Asti 2016 - Autore (Un momento)
2° Posto Festival dell'Istroveneto 2016 - Autore (Son vecio dentro)
1° Posto Live Song Festival 2016 (Un momento)
1° Posto Festival della canzone Mujesana 2016 - Autore (Con calma)
3° Posto Festival della Canzone Regionale, 2016 - Autore (Con calma)
2° Posto Festival della Bisiacaria (secondo posto anche come miglior testo e miglior musica e premio speciale "paroliere") - 2016 - Autore (Fincnè sarà musica)
2° Posto Festival della canzone mujesana 2017 - Autore (Dalla A alla Z)
2° Posto Festival della canzone triestina 2017 - Autore (Da domani sarà)
Gran pernio dello spettacolo fesitval della canzone triestina 2017 - Autore (Maledeto coretor)
1° Posto Festival della canzone triestina 2018 - Autore (Scolta Giuly)
1° Posto Festival della canzone Istroveneta 2019 Autore (Ulisse)
1° Posto Festival della canzone triestina 2019 - Autore (La barca coi oci blu)
La roba forsi più assurda de tutte xe che de quei 25 milioni, almeno tre quarti xe robe in triestin. No xe sconvolgente?
Scoprir de quanto semo ancora ligadi al dialetto, al nostro mondo più profondo, alle nostre radici.
Spero che a qualcun possi esserghe utile saver che anche fazendo monade se pol esser felici e soprattutto se pol far felici le persone, se pol farle rider e migliorarghe magari pochi minuti della giornata.
E no so gnanche spiegarve quanto questa roba ga influì sulla mia vita, quanto la gabi cambiada, quanta energia me gabi da. E anche in questi momenti cussì difficili, ricever messaggi dalle persone che attingi ad un archivio de speranze de sorrisi che go lassado sul mio percorso, me commuovi e me onora.
Mi volessi ringraziarve tutti, uno a uno, ma no posso abbracciarve pel momento, anche quel tempo arriverà, mi son sempre sta ottimista, e anche in questo momento cussì de merda per tutti, mi son sicuro che ghe la faremo, e che la spinta vitale che arriverà sarà tale che capiremo veramente cossa vol dir la libertà che gavevimo fin ieri. E saremo più consapevoli.
Ve voio ben, grazie per tutto quel che me gavè da, e spero de ricambiar finchè la creatività (o la cretinità) reggerà.
