Maxino: «Dopo un periodo personale buio ho ritrovato la felicità con Carlotta»
Pubblichiamo da Maxino
Pensavo che in qualche modo, alle persone non ghe ne fregassi troppo della mia vita privata.
Che una volta parlà con amici stretti, parenti e persone vicine, fossi sufficiente.
Invece me rendo conto che vista la mia posizion pubblica (che ritengo un privilegio), xe anche giusto dar qualche spiegazion, in modo da non lassar punti de domanda verti, dubbi, o lassar circolar vosi che, ripeto, a mi me cambia poco, ma go scoperto che alle persone che me vo ben pol anche far un poco mal.
Quindi gossip sia!
Come ovviamente xe facile immaginar, sui social network spesso se scrivi cose belle, successi, se mostra la parte bella. Non perchè sia una regola, ma a mi me ga sempre piasso cussì. Se go rogne me piasi condividerle con le persone vicine e non su profilo e pagine con 27.000 “fan”, che adoro, e che me vol ben, ma che non avendo elementi a sufficienza per conosser la mia storia, non pol aver un quadro generale completo.
Però un poco ghe lo devo, un poco me lo devo.
Questo sarà un post ad ampio raggio. Ovvero arriverà a chi sa za tutto, a chi sa poco, a chi no sa niente, a chi ghe interessa e a chi no pol fregarghe meno. Però almeno gaverò seminà un poca della mia storia in giro, per quanto appunto, la vita privata degli artisti ga importanza solo nel momento e nella misura in cui se la sta leggendo o scoltando, dopodichè ognun va per la sua strada, ognun ga le sue robe e de sicuro no sarà un pensiero così importante.
Disevo, cose belle? si e no… non sempre…
Quando un matrimonio finissi no xe mai bel. Xe sempre difficile, e non solo per chi xe coinvolto in prima persona, xe difficile anche per tutte le persone intorno, che ga tutto el diritto de aver i loro tempi per accettar la cosa, aiutar, farse aiutar e dar el proprio apporto in una situazion complessa. Quando poi xe de mezzo dei bambini ovviamente xe tutto ancora più delicato e bisogna star 10 volte più attenti.
E xe quel che xe sta fatto. No son nè el primo nè l’ultimo a cui ghe succedi una roba del genere, ma una situazion gestida con intelligenza no pol che portar a cose buone al di là delle difficoltà.
Ve comunico oggi quindi una cosa che risali ad ottobre scorso, quasi un anno fa. Xe sta un periodo difficile, come xe sta difficile trovar le energie per far rider le persone, far video buffi per tele4, serate in cui far tornar le persone a casa dopo esserse divertide. In questo senza dubbio, devo dirghe grazie a Flavio ed Elisa, che xe stadi due angeli nel farme star in forma nonostante el treno in faccia che iera arrivado, e me ga da le forze positive per far tutto quel che gnanche pensavo de rivar a far. Ve dirò, son veramente orgolioso de mi da sto punto de vista, go ciapà in man la mia vita e nonostante el cambio de casa e relativo scombussolamento, le persone vicine a mi xe stade miracolose. No te se rendi conto de quanto i amici te vol ben finchè non te vedi che i se movi come una rete de soccorso, come formighe, velocissime, tutti a telefonarse, a ragionar, a premararme un cussin morbido e una strada senza ostacoli. A darme le energie… anzi no… no xe “dar” le energie, xe darte LUCE per fartele trovar da solo. Perchè le energie le xe sempre la, servi solo una finestra verta nella penombra per ciorle de novo allungando la man.
Anche se non ghe lo digo cussì spesso, ma non lo dimenticherò mai.
Non parlo solo de lori due, ma chiaramente anche de tutti quei che lavorava come pazzi per farme planar dolcemente. Tutta la mia famiglia, poi Anna, Raffaele e Marco. Ore de ciacolade, sia dal vivo che al telefono, e poi lunghissime zoomade durante el lockdown. E tutti quei che me ga chiesto “come va?” che me ga dito “mi ghe son”, talmente tanti da no rivar a ringraziarli tutti.
Mai gavessi podù sperar in qualcossa de meio.
Qualche volta la vita te metti davanti ad inaspettati cambi de rotta.
Te son in autostrada, te fa fadiga, l’auto perdi tochi, sta finindo la benzina, e de colpo la strada xe chiusa. Fine. Deviazione.
Te pol rifiutar, urlar e sonar el clacson, ma così è… quella xe la tua nuova strada. Adesso xe de veder dove porta, xe de veder quanto xe lunga, come sarà el panorama, quanti distrubutori sarà, quanti meccanici.
E dopo esser uscido dall’autostrada, da quel che iera la mia vita “ovvia”, quel che nella mia testa, fin qualche tempo prima, iero convinto saria continuado ancora, che me son accorto che stava per incominciar de novo tutto, che la vita no se ferma, che la vita va avanti, che la vita va vissuda -comunque vada-.
E la mia vita adesso xe questa.
Ve presento Carlotta, e scuseme se se i ultimi a cui la presento, ma dovevo prima farghela conosser alle persone più vicine, guardar la serenità arrivar con lo sguardo disteso de chi non aspettando niente, trova la tranquillità.
El covid unissi o dividi? Difficile da dir, forsi dividi i diversi ed unissi i simili.
Non scrivo tutto questo per consigli o opinioni, ma solo per comunicar che son felice e che anche se ve trovè in un momento complicato, tutto pol svoltar de colpo, nel modo più inaspettato.
L’equazion xe abbastanza facile… più una persona me conossi, meno ga dubbi sul mio modo de esser, sui miei punti de forza e perchè no, anche sui miei difetti.
Meno una persona me conossi, più dubbi gaverà, ma anche meno ghe interesserà della mia vita privata (torna a far video deeeeei), e va da se, meno me interesserà della sua…
Questo tanto per dir che non starò sicuramente qua a spiegar i motivi per cui ritengo de poder ringraziar Dio (o el destin, o chi per lui) per el regalo che me ga fatto, per averme fatto ricreder su tante robe, su tante convizinioni sbagliade che gavevo.
Una tra tutte, che alcuni sentimenti de intensità fuori scala, quei che te tien sveio de notte, che te fa el brivido lungo la schiena, che te manca el respiro, non appartien solamente all’adolescenza, ma xe parte de noi, bisogna solo trovar la persona che te li risveglia.
E che senti e ricambia tutto al 100%. Sennò no val.
L’amor no se spiega, la fecilità no se compra, i amici se coltiva, le cose belle succedi.
Ve par possibile che doveva esser proprio una sarda a farme sbarellar alla soglia dei 40?
Ah, ovviamente, se za ve se accorti, Massimiliano e Carlotta si, xe due nomi abbastanza noti qua in città, l’importante xe un paio de regole, tipo evitar de cliccar sui sconti “last minute Messico” che spesso me appari come banner pubblicitario.
PS.
questa xe la tracklist provvisoria del mio prossimo CD, se tutto va ben, a ottobre xe pronto, titolo provvisorio “Felicità invincibile”
Si, xe in italian. Spero ve piaserà.
Quel che non sarà
Amore amore amore amore mio
Se sapessi quante volte
Mia
Lei
Ti ho cercata
Miramar
Andromeda
E tornerò da te
Felicità invincibile
Mi riporti in vita
Son tornà, amici miei.
Ve voio ben.